Panasonic

Panasonic Corporation — mashinasozlik sohasidagi yirik yapon korporatsiyasi bo'lib, 50 yildan ortiq vaqtdan buyon havoni konditsionerlash tizimlarini ishlab chiqarish bilan shug'ullanadi. U dunyodagi maishiy texnika va elektronika ishlab chiqarish bo'yicha eng yirik kompaniyalardan biridir. Kompaniya asoschisi — biznesmen Konosuke Matsushita. Bosh ofisi Kadoma shahrida (Yaponiya) joylashgan.

Panasonic kompaniyasi 1918-yilda tashkil etilgan. O'shandan buyon u mijozlari hayotini yaxshilash uchun ishlaydi, asosan inson va uning hayotiga e'tibor qaratadi. Panasonic elektron qurilmalarini ishlab chiqarishda innovatsion texnologiyalarga tayanadi. Shu bilan birga mijozlarga keng iste'mol tovarlaridan tortib sanoat uskunalari, qurilish va maishiy mahsulotlargacha bo'lgan eng keng assortimentdagi mahsulot, tizim va xizmatlarni taklif etadi.